सातारा जिल्हा परिषद व कऱ्हाड पंचायत समित्यांसाठी आज मतदान होत आहे. वडगाव हवेली येथे बोगस मतदानावरून राडा झाला असून राष्ट्रवादी काँग्रेस व भाजप कार्यकर्त्यांमध्ये वादावादी झाली आहे. त्यामुळे परिसरात तणाव निर्माण झाला. राजकीयदृष्ट्या संवेदनशील असलेल्या कऱ्हाड तालुक्यातील वडगाव हवेली दोन पक्षाच्या कार्यकर्त्यांमध्ये राडा झाला.

बोगस मतदानाच्या कारणावरुन भाजप आणि राष्ट्रवादी काँग्रेसच्या कार्यकर्त्यांमध्ये वाद झाला. यामुळे येथे तणावाची परिस्थिती निर्माण झाली होती. पोलिसांनी वेळीच हस्तक्षेप केल्याने मोठा अनर्थ टळलाय. दरम्यान सातारा जिल्हा परिषद व पंचायत समितीसाठी आज शनिवारी सकाळी सातपासून मतदानाला सुरुवात झाली. कऱ्हाड तालुक्यातील ४८६ मतदान केंद्रावर मतदानाची प्रक्रिया सुरू आहे.