मुंबईमध्ये झिका व्हायरसचा पहिला रुग्ण आढळला आहे. त्यामुळे परिसरात भितीचं वातावरण पसरलं आहे. दादरमधून मुंबईत झिकाची एंट्री झालेली आहे. दादारमधील एका वृद्ध व्यक्तीला झिकाची लागण झाल्याने पालिका प्रशासन आणि आरोग्य विभाग सतर्क झाले आहे. राज्यात आतापर्यंत 130 झिकाचे रुग्ण आढळून आले आहे. त्यामुळे आरोग्य विभागात चिंतेचे वातावरण असतानाच आता मुंबईतील दादरमध्ये झिकाचा पहिलं रुग्ण आढळला असल्याने आरोग्य यंत्रणा सतर्क झाल्या आहेत.

झिका व्हायरस रोग सामान्यतः सौम्य असतो. सर्वात सामान्य लक्षणे म्हणजे सौम्य ताप, त्वचेवर पुरळ, डोकेदुखी, स्नायू, सांधेदुखी आणि पापणीच्या खालच्या बाजूस जळजळ. ही लक्षणे साधारणपणे 2-7 दिवस टिकतात. अशी लक्षणे दिसून आली तर नागरिकांनी तत्काळ वैद्यकीय सल्ला घ्यावा असे आवाहन आरोग्य यंत्रणेकडून करण्यात आले आहे.