पुण्यात रीलस्टार संतोष पंडितला न्यायालयीन कोठडी सुनावण्यात आलीय. उच्च आणि तंत्रशिक्षण मंत्री चंद्रकांत पाटील यांच्याविरोधात आक्षेपार्ह वक्तव्य केल्याप्रकरणी पंडितवर गुन्हा दाखल करण्यात आला होता. सोशल मीडियावर आक्षेपार्ह आणि अश्लील मजकूर प्रसारित केल्याचा आरोप आहे. एका महिलेने केलेल्या तक्रारीच्या आधारे पोलिसांनी संतोष पंडितला अटक केली होती. त्यानंतर न्यायालयात हजर केल्यानंतर न्यायालयीन कोठडी सुनावण्यात आलीय.

सोशल मीडियावर व्हिडिओच्या माध्यमातून आक्षेपार्ह टिप्पणी केल्याच्या आरोपातून संतोष पंडितवर गुन्हा दाखल करण्यात आला होता. एका महिलेने केलेल्या तक्रारीच्या आधारे पोलिसांनी संतोष पंडितला अटक करून न्यायालयात हजर केले होते. तपासासाठी न्यायालयाने पंडित याला यापूर्वी ८ सप्टेंबरपर्यंत पोलीस कोठडी सुनावली होती. ती मुदत संपल्यानंतर आज, मंगळवारी पंडितला पुन्हा न्यायालयात हजर करण्यात आले. त्याला न्यायालयीन कोठडी सुनावली असून, आता त्याची रवानगी कारागृहात होणार आहे.