नांदेड विमानतळ परिसरात खासदार नागेश आष्टीकर यांची गाडी अडवण्यात आल्याने गोंधळ झाला आहे. गाडी अडवल्याचा निषेध करत शिवसैनिकांकडून जोरदार घोषणाबाजी करण्यात आली.

आज खासदार संजय राऊत हे नांदेड जिल्ह्याच्या दौऱ्यावर आहेत. नांदेड विमानतळावर राऊत यांचं आगमन होणार आहे. राऊत यांच्या स्वागतासाठी शिवसैनिक नांदेड विमानतळावर मोठ्या संख्येने दाखल झाले. परंतु या सर्व शिवसैनिकांना विमानतळाच्या आत प्रवेश पोलिसांनी नाकारला. खासदार नागेश पाटील आष्टीकर यांची गाडी देखील यावेळी अडवण्यात आली. त्यामुळे संतप्त शिवसैनिकांनी घोषणाबाजी सुरू केली आहे. शिवसैनिक यावेळी चांगलेच आक्रमक झालेले बघायला मिळाले. या सगळ्या घटनेनंतर आता वरिष्ठ नेते आणि पोलिसांमध्ये चर्चा सुरू झाली आहे. मात्र या घटनेमुळे शिवसैनिकांमध्ये रोष दिसून येत आहे.