येवला नगरपरिषद निवडणुकीदरम्यान प्रभाग नवीन क्रमांक 9 मधील सहस्रार्जुन मंगल कार्यालय मतदान केंद्राबाहेर दोन गटांच्या समर्थकांमध्ये जोरदार राडा झाल्याची माहिती समोर आली आहे. राष्ट्रवादी काँग्रेस (अजित पवार गट) आणि शिवसेना (शिंदे गट) यांच्या समर्थकांमध्ये मतदान केंद्रातील ये-जा करण्यावरून वाद निर्माण झाला. हा वाद चिघळत जाऊन प्रत्यक्ष हाणामारीपर्यंत पोहोचला.

घटनेची माहिती मिळताच पोलिसांनी तात्काळ मध्यस्थी करून दोन्ही बाजूंच्या समर्थकांना पांगवले. सध्या मतदान केंद्राबाहेर RCP जवानांची अतिरिक्त फौज तैनात करण्यात आली असून परिस्थिती नियंत्रणात असल्याचे पोलिसांनी सांगितले. येवल्यामध्ये छगन भुजबळ आणि एकनाथ शिंदे यांच्या कार्यकर्त्यांध्ये थेट लढत आहे.