मुंबई पोलीसांच्या मुख्य नियंत्रण कक्षाला धमकीचा फोन आला आहे. पंतप्रधान नरेंद्र मोदी यांना मारण्याचा प्लॅन तयार झाला आहे, असा दावा धमकीचा फोन करणाऱ्या महिलेने केला आहे. या प्रकरणी पोलीसांनी एका महिलेला तब्यात घेतलं आहे.

देशाचे पंतप्रधान नरेंद्र मोदी यांनाच थेट जीवे मारण्याची धमकी आता देण्यात आली आहे. मुंबई पोलीसांच्या मुख्य नियंत्रण कक्षाला यासंदर्भातील धमकीचा फोन करण्यात आला आहे. पंतप्रधान मोदी यांना उडवण्याचा कट असून त्यांना मारण्यात येणार आहे, अशा संदर्भातला हा फोन एका महिलेने केला आहे. त्यानंतर मुंबई पोलीसांनी वेगवान हालचाली करत यासंदर्भात तपास सुरू केला आहे. एका संशयित महिलेला देखील पोलीसांनी तब्यात घेतलेलं आहे. शीतल चव्हाण असं या महिलेचं नाव असून तिची चौकशी पोलीस करत आहेत. तिला याबद्दल नेमकं कोणी माहिती दिली होती, हा कट कुठे रचला जातो आहे, अशी चौकशी आता पोलीसांकडून करण्यात येत आहे.

Edited By Rakhi Rajput