राज्यात 2 हजारांपेक्षा जास्त महिला लाडक्या बहिणी निघाल्याचं समोर आलं आहे. सरकारी कर्मचारी, गलेलठ्ठ पगार मिळवूनही दीड हजारांचा मोह या लाडक्या बहिणींना सुटेना झाला आहे. 3 कोटी रुपयांपेक्षा जास्त रक्कमेचा गैरवापर झाल्याचं उघड झालं आहे.

संधीसाधू महिलांनी योजनेचा लाभ घेतला असेल तर त्यांच्यावर कायदेशीर कारवाई करावी, असं वक्तव्य मंत्री प्रताप सरनाईक यांनी केलं आहे. मुख्यमंत्री लाडकी बहीण' योजनेत काही सरकारी कर्मचाऱ्यांनी अपात्र असतानाही लाभ घेतल्याचा गंभीर प्रकार समोर आला आहे. त्यामुळे सरकारने आता या रकमेची वसुली करण्याचा निर्णय घेतलाय. याप्रकरणी कायदेशीर कारवाईची मागणी सरनाईक यांनी केली.