महिलादिनीच राज्यातील लाडक्या बहि‍णींची फसणूक झाल्याची चर्चा आहे. सरकारकडून फेब्रुवारी आणि मार्च महिन्याचा हप्ता एकत्र देण्यात येईल, असे मंत्र्यांकडून सांगण्यात आले होते. पण प्रत्यक्षात मात्र लाडकीच्या खात्यावर १५०० रूपये आल्याचे दिसतेय. त्यावरून ठाकरे सेनेच्या नेत्या सुषमा अंधारे यांनाही टीका केली आहे.

राज्य सरकारने लाडक्या बहि‍णींना दिलेले ३००० रूपयांचे अश्वासन हवेत विरले आहे. कारण, खात्यात फक्त १५०० रूपये आले आहेत. मार्च महिन्याचा हप्ता कधी येणार? असा सवाल राज्यातील लाडक्या बहिणींकडून उपस्थित केला जात आहे. फेब्रुवारी आणि मार्च महिन्याचा हप्ता एकत्र देण्यात येणार होता, पण लाडकीच्या खात्यात फक्त १५०० रूपये जमा झाले आहेत. त्यामुळे महिलादिनी लाडकी बहि‍णींची फसवणूक झाली का? अशी टीका विरोधकांकडून करण्यात येत आहे.