छत्रपती संभाजीनगर जिल्ह्यातील पैठण मार्गावर एक दुर्देवी घटना घडली. भरधाव वेगाने येणाऱ्या चारचाकी वाहनाने रस्ता ओलांडणाऱ्या एका महिलेला जोरदार धडक दिली. वाहनाच्या जोरदार धडकेत महिला सुमारे १५० फूट अंतरावर फेकली गेली. या अपघातात महिलेचा जागीच मृत्यू झाला. सिंदूबाई रामभाऊ गालफाडे असे मृत महिलेचे नाव असून, ही महिला जायकवाडी उत्तर येथून सामान घेऊन घरी जात होती. या दरम्यान रस्ता ओलांडताना तिला वाहनाने जोरदार धडक दिली. या धडकेत महिला सुमारे १५० फूट अंतरावर फेकली गेली. ही धक्कादायक दृश्य सीसीटीव्ही कॅमेऱ्यात कैद झाली आहे. अपघातानंतर कार चालक फरार झाला असून, पैठण पोलिसांकडून तपास सुरू आहे.