ठाणे नगर पोलीस ठाण्याच्या हद्दीत महिलेला गुंगीचं औषध देऊन सामूहिक अत्याचार केल्याची धक्कादायक घटना उघडकीस आली आहे. ही गंभीर घटना 25 ऑगस्ट रोजी घडली असून पीडित महिलेने 5 डिसेंबर रोजी ठाणे नगर पोलीस ठाण्यात तक्रार दाखल केली.

पोलिसांनी दिलेल्या माहितीनुसार फॅमिली कोर्टाच्या आवारात उभी असलेल्या चारचाकी वाहनात हिरालाल केदार आणि रवी पवार या दोघांनी केकमध्ये गुंगीचं औषध देऊन महिलेवर अत्याचार केला. या प्रकरणात आरोपी हिरालाल केदारला पोलिसांनी अटक केली असून दुसरा आरोपी रवी पवार हा अद्याप फरार आहे. घटनेनंतर आरोपींनी पीडितेला वारंवार ब्लॅकमेल करण्याचा प्रयत्न केल्याचंही तक्रारीत नमूद आहे. या घटनेचा पुढील तपास ठाणे नगर पोलीस करत आहेत.