Uddhav Thackeray | MVA Politics : उद्धव ठाकरे यांचा विधान परिषदेचा कार्यकाळ १३ मे २०२६ रोजी संपत असून, त्यांच्या पुनर्निवडीबाबत राजकीय वर्तुळात चर्चा सुरू झाली आहे. महाविकास आघाडीकडे सध्या असलेल्या संख्याबळाच्या कमतरतेमुळे ठाकरेंची कोंडी होण्याची शक्यता वर्तवण्यात येत आहे. एप्रिलमध्ये राज्यसभेच्या ७ जागा रिक्त होत असून, त्यावेळच्या समीकरणांवर ठाकरेंचे विधान परिषदेचे भवितव्य अवलंबून असेल. जर ठाकरेंच्या २० आमदारांनी राज्यसभा निवडणुकीत काँग्रेस किंवा राष्ट्रवादी (शरद पवार गट) यांना पाठिंबा दिला, तर बदल्यात विधान परिषदेची एक जागा ठाकरेंना मिळू शकते. मे महिन्यात विधान परिषदेच्या ९ जागा रिक्त होत असून निवडून येण्यासाठी २९ मतांचा कोटा आवश्यक आहे. शरद पवार यांचीही राज्यसभेची जागा रिक्त होत असल्याने, ठाकरेंचा पाठिंबा पवारांना मिळाल्यास ठाकरेंचा विधान परिषदेचा मार्ग मोकळा होऊ शकतो, असे राजकीय विश्लेषक सांगत आहेत.

Maharashtra Legislative Council election process explained