दाभोलकर खुनाप्रकरणी कोर्टाने दोघांना दोषी ठरवले तर दोघांची निर्दोष सुटका केली आहे. असे असले तरी जे निर्दोष आहेत त्यांच्याविरोधात आम्ही वरिष्ठ कोर्टात जाऊ अशी माहिती नरेंद्र दाभोलकर यांच्या कन्या मुक्ता दाभोलकर यांनी दिली आहे. तसेच ज्यांना शिक्षा झाली आहे त्यापेक्षा ज्यांनी कट रचला, जे मास्टरमाईंड आहेत त्यांना शिक्षा झाली पाहिजे, सीबीआयने खऱ्या मास्टरमाईंडला शोधले पाहिजे अशी मागीणीही मुक्ता दाभोलकर यांनी केली आहे. फक्त दाभोलकरच नाही तर पानसरे, कलबुर्गी आणि गौरी लंकेश यांच्या खुन्यांनाही शिक्षा लवकारत लवकर व्हावी अशी अपेक्षाही त्यांनी व्यक्त केली.