नीट पेपरफुटीच्या मुद्द्यावरून राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे आक्रमक झाल्या आहेत. यूपीएससीचा पेपर कधी फुटत नाही, मग नीटचा पेपर कसा काय फुटतो, असा सवाल उपस्थित करतानाच, त्यांनी चौकशीची मागणी केली.

ज्या मुलांवर अन्याय-अत्याचार झाले, ज्या पद्धतीने मुला-मुलींवर अन्याय झाला, त्याची पारदर्शक चौकशी झाली पाहिजे, त्यासाठी एक एसआयटी स्थापन करा. संसदेत सर्वपक्षीय बैठक किंवा एक संयुक्त संसदीय समिती स्थापन करता येते का? त्याची एक मागणी केली. भारताची शिक्षणपद्धती पुढे कशी असावी? याकडे लक्ष केंद्रीत करावे. यूपीएससीचा पेपर कधी फुटत नाही, नीटचा पेपर कसा फुटतो, असा सवालही सुप्रिया सुळे यांनी केला.