सांगली : सांगलीचा खासदार कोण होणार यावर पैज लावण्यात आली आहे.ही पैज आणि साधी नसून चक्क बुलेटची पैज लावण्यात आलीये.सांगलीतील कवठेमहाकाळ तालुक्यामधील दोघांना ही गाडीची पैज लावणं चांगलचं महागात पडलंय.अपक्ष उमेदवार विशाल पाटील जिंकून आले, तर एकाने आपली युनिकॉर्न गाडी देईन अशी पैज लावली तर दुसऱ्याने भाजप उमेदवार संजयकाका पाटील निवडून आले तर आपली बुलेट गाडी देईन अशी पैज लावली आहे.तर या दोघांविरोधात गाडीची पैज लावण्यावरुन गुन्हा दाखल करण्यात आला आहे.रमेश संभाजी जाधव आणि गौस मुबारक मुलाणी असे पैज लावलेल्यांची नावे आहेत.