रायगड येथे एका कार्यक्रमात भाषण करताना शिंदे गटाचे आमदार भरत गोगावले यांची जीभ घसरली आहे. शिवसेना ठाकरे गटाच्या स्नेहल जगताप यांच्यावर खालच्या पातळीवर त्यांनी टीका केली आहे. महाड शहरात महिलांना मिक्सर वाटप कार्यक्रमात भरत गोगावले यांनी वादग्रस्त वक्तव्य केलं आहे. ते म्हणाले आहेत की, 'काम करणार भाऊ की, XXX बनवणारी बहीण.' गोगावले यांच्या वक्तव्यावनंतर ठाकरे गट आक्रमक झाला आहे. ठाकरे गटाच्या महिला शहर प्रमुख तृप्ती पाटील यांनी त्यांच्याविरोधात तक्रार अर्ज दाखल केला आहे. या अर्जात भरत गोगावले यांच्याविरोधात विनयभंग केल्या प्रकरणी गुन्हा दाखल करण्याची मागणी करण्यात आली आहे. गुन्हा दाखल न केल्यास तिव्र आंदोलनाचा इशारा ठाकरे गटाने केला आहे.