व्हॉट्सअॅप वापरणाऱ्यांसाठी महत्त्वाची बातमी आहे. आता जर तुम्ही व्हॉट्सअॅपचा गैरवापर केलात तर तुमचे अकाउंट बंद केले जाईल. भारतात जानेवारी महिन्यात व्हॉट्सअॅपनं सर्वात मोठी कारवाई केली आहे. तब्बल 82 लाखांहून अधिक भारतीय व्हॉट्सअॅप अकाउंट्सवर बंदी घालण्यात आलीय. यातील 20 लाख अकाऊंट्सवर कंपनीनं स्वतःहून कारवाई केली आहे. गैरवापरासह संशयास्पद हालचाली रोखण्यासाठी ही कारवाई करण्यात आल्याची माहिती समोर येतेय. वर्षभरातील ही सर्वात मोठी कारवाई आहे. जर व्हॉट्सअॅपवरुन काही फ्रॉड करत असाल तर त्यावर कंपनीची नजर असणार आहे. त्यामुळे गुन्हेगारीला आळा बसणार आहे.