Goregaon Borivali sixth line work local block : मुंबईची जीवनवाहिनी असलेल्या पश्चिम रेल्वेवर गोरेगाव ते बोरिवली दरम्यान सहाव्या मार्गिकेचे काम अंतिम टप्प्यात आहे. या कामासाठी रेल्वे प्रशासनाने विशेष ट्रॅफिक ब्लॉक जाहीर केला असून, परिणामी आज आणि उद्या एकूण 215 लोकल फेऱ्या रद्द करण्यात आल्या आहेत. या ब्लॉकमुळे मंगळवारी 93 तर बुधवारी 122 लोकल फेऱ्या रद्द राहणार आहेत. सहाव्या मार्गिकेला जलद मार्गाशी जोडण्यासाठी आणि सिग्नलिंग यंत्रणेच्या कामासाठी हा निर्णय घेण्यात आला आहे. लोकल फेऱ्यांसोबतच काही लांब पल्ल्याच्या गाड्यांच्या वेळापत्रकावरही याचा परिणाम झाला असून, प्रवाशांनी रेल्वेच्या अधिकृत ऍप किंवा वेळापत्रकाची खात्री करूनच घराबाहेर पडावे, असे आवाहन रेल्वे प्रशासनाने केलंय.