सिद्धेश म्हात्रे, उरण | साम टीव्ही

नवी मुंबईसह रायगडच्या काही भागात पावसाची संततधार सुरू आहे. या पावसाचा उरण रेल्वे स्थानकातील प्रवाशांना फटका बसला आहे. उरण रेल्वे स्थानकात पावसाचं पाणी घुसलं आहे. त्यामुळं तळ्याचं स्वरुप आलं आहे. रेल्वे स्थानकातील भूयारी मार्गात पाणी साचलं आहे. त्यामुळं प्रवाशांना स्थानकातून बाहेर पडला प्रंचड मनस्ताप सहन करावा लागत आहे. मागील वर्षीही अशीच अवस्था असताना रेल्वे प्रशासनाने कोणतीही उपाययोजना केल्याचे दिसत नाही, अशा शब्दांत प्रवासी संताप व्यक्त करत आहेत. मार्च 2024 मध्ये नेरूळ ते उरण नवीन लोकल रेल्वे मार्गाचे उद्घाटन झाले होते.