सचिन कदम, साम टीव्ही, रायगड

अवघ्या महाराष्ट्रात वटपौर्णिमेनिमित्त महिला वर्गात उत्साह असताना, रायगडमधील पोलादपूर तालुक्यातल्या निवे गावात दुर्दैवी घटना घडली आहे. वटपौर्णिमेला वडाची पूजा करायला गेलेल्या महिलांवर मधमाशांनी हल्ला चढवला.

गावातील बऱ्याच महिला या वटपौर्णिमेला वडाची पूजा करण्यासाठी गेल्या होत्या. काही महिला वडाच्या झाडाची पूजा करत होत्या. अचानक मधमाशांनी त्यांच्यावर हल्ला केला. यात जवळपास १४ महिला जखमी झाल्या आहेत. या महिलांना तात्काळ नजीकच्या पोलादपूर ग्रामीण रुग्णालयात उपचारासाठी दाखल करण्यात आलं. सध्या त्यांच्यावर रुग्णालयात उपचार सुरू आहेत.

रायगडच्या पोलादपूर तालुक्यातील निवे गावातील विवाहित महिला वटपौर्णिमेनिमित्त वडाच्या झाडाची पूजा करण्यासाठी घराबाहेर पडल्या होत्या. महिलांकडून वडाच्या झाडाची पूजा सुरु असताना त्यांच्यावर मधमाशांनी हल्ला केला. या मधमाशांच्या हल्ल्यानंतर १४ महिला जखमी झाल्या आहेत. या महिलांवर पोलादपूरच्या ग्रामीण रुग्णालयात उपचार सुरु आहेत.