IPL Update Latest News Update : आखाती देशात सुरू असलेल्या युद्धाचा तडाखा आता थेट मैदानावरही बसण्याची शक्यता निर्माण झाली आहे. अमेरिका, इस्रायल आणि इराण यांच्यातील संघर्षामुळे जगभरात इंधनाचा तुटवडा जाणवत आहे. याचा मोठा फटका IPLला बसण्याची शक्यता आहे. पेट्रोलियम मंत्रालयाने घरगुती गॅस पुरवठ्याला प्राधान्य दिल्यानं, स्टेडियम आणि संबंधित व्यावसायिक क्षेत्रातील गॅस पुरवठ्यावर गदा येण्याची चिन्ह आहेत. त्यामुळे IPLच्या वेळापत्रकात बदल होणार का? याकडे साऱ्यांचं लक्ष लागलंय. मिळालेल्या माहितीनुसार, आयपीएलचे वेळापत्रक १२ मार्च रोजी जाहीर होणार आहे. आयपीएलकडून पहिल्या ३ आठवड्याचेच वेळापत्रक जारी करण्यात येणार असल्याची माहिती सूत्रांनी दिली आहे. त्यानंतर परिस्थितीनुसार, आयपीएल वेळापत्रक जारी करण्यात येणार आहे.