Sarpanch Santosh Deshmukh Valmik Karad : मस्साजोगचे सरपंच संतोष देशमुख यांचे नऊ डिसेंबरला अपहरण करून निर्घृण हत्या करण्यात आली. तीन आठवड्यानंतरही या प्रकरणातील मास्टरमाईंड समजला जाणारा माल्मिक कराडला अटक न केल्यामुळे तीव्र संताप व्यक्त करण्यात येत आहे. देवेंद्र फडणवीस यांनी याप्रकरणी सीआडीला कठोर करवाईचे आदेश दिले आहेत. आरोपींची बँक खात गोठवण्याचे आदेशही देण्यात आले. आता मिळालेल्या माहितीनुसार, माल्मिक कराड सरेंडर करणार असल्याचं समोर आलेय.

वाल्मीक कराड सरेंडर करण्याची शक्यता आहे. कारण, सरपंच संतोष देशमुख यांच्या हत्येप्रकरणी सीआयडीने कराडसह चार जणांची बँक खाती गोठवली आहेत. खंडणी आणि अपहरण प्रकरणात कराड याचं नाव समोर आले होते. याप्रकरणात आरोपींच्या ठसाच्या निशाण जुळल्याचे समोर आले. सीआयडीकडून वेगाने तपास सुरू आहे. देवेंद्र फडणवीस यांच्याकडून आदेश दिल्यानंतर बँक खाती गोठवण्यात आली. कराडला अटक करण्यासाठी सीआयडीच्या नऊ पथकाकडून तपास करण्यात येत आहे. कराड आत्मसमर्थन करणार असल्याचे समोर आलेय.

मस्साजोगचे सरपंच संतोष देशमुख यांचे अपहरण, निर्घृण हत्या तसेच पवनचक्की प्रकल्पासाठी दोन कोटी रुपयांच्या खंडणीची मागणी, अॅट्रॉसिटी व पवनचक्की प्रकरणी मारहाण या चारही गुन्ह्यांतील आरोपींच्या चोहोबाजूंनी मुसक्या आवळायला पोलिसांनी सुरवात केली आहे. या गुन्ह्यांचा तपास करणाऱ्या गुन्हे अन्वेषण विभागाने (सीआयडी) या चार गुन्ह्यांतील सर्व नऊ आरोपींची बॅंक खाती गोठवली आहेत. आरोपी वाल्मीक कराडच्या एका निकटवर्तीय नातेवाईकाला रविवारी (ता. २९) पोलिसांनी ताब्यात घेतले. उशिरापर्यंत ही व्यक्ती ताब्यात होती.