Today Parli Bandh Called By Walmik Karad Supporters : वाल्मीक कराड समर्थकांनी आज परळी बंदची हाक दिली आहे. वाम्लिक कराड याला मकोका लावल्यानंतर समर्थक आक्रमक झाले आहेत. मंगळवारी परळीमध्ये मोठ्या प्रमाणात तणाव होता. समर्थकांनी आक्रमक आंदोलन केले, काही जण टॉवरवर चढले तर कुणी पेटवून घेण्याचा प्रयत्न केला. वाल्मिक कराड यांच्या आई आणि पत्नीही या आंदोलनात उतरल्या होत्या. आज परळी बंदची हाक देण्यात आली आहे.

आज परळी बंदची हाक वाल्मीक कराड याच्या समर्थकांनी दिली आहे. सकाळपासूनच परळीमधील बाजारपेठा कडकडीत बंद आहेत. दुकानाला टाळे लावण्यात आले आहे. सकाळी 10 वाजता वाल्मीक कराड याच्या समर्थकांची बैठक होणार आहे. त्यानंतर आंदोलनाची पुढील दिशा ठरणार आहे.

वाल्मीक कराडला घेऊन बीड पोलीस केजच्या दिशेने रवाना झाले आहेत. आज कराडला केज न्यायालयात हजर करण्यात येणार आहे. वाल्मिक कराडचा Sit ताबा मागणार आहे, कोर्ट काय निकाल देतेय, त्याकडे लक्ष लागलेय. वाल्मिक कराड याला कोर्टाने काल १४ दिवसाची न्यायालयीन कोठडी सुनावली आहे. वाल्मिक कराड याला मकोका लावण्यात आला, त्यानंतर परळीमध्ये वातावरण तापले. अनेकांनी आपला निषेध व्यक्त केला. पोलीस स्टेशनबाहेरच आंदोलन करण्यात आले. बीडमध्ये जमावबंदी असताना परळीत मात्र हिंसक आंदोलन झाले.