Walmik Karad : बीडच्या मस्साजोगचे सरपंच संतोष देशमुख यांच्या हत्याप्रकरणामुळे महाराष्ट्रात राजकारण तापले आहे. यात खंडणी प्रकरणी आरोपी वाल्मीक कराडला न्यायालयाने कोठडी सुनावली होती. याच दरम्यान प्रकृती खराब असल्याने त्याच्यावर रुग्णालयात उपचार सुरु आहेत. कोठडीपासून वाचण्यासाठी कराडने हा बनाव केला आहे असे अनेकजण म्हणत आहेत. दरम्यान वाल्मीक कराडची ऑडिओ क्लिप व्हायरल होत आहे.

या ऑडिओ क्लिपमध्ये वाल्मीक कराड आणि पोलीस अधिकाऱ्याचा संवाद ऐकायला मिळतो. व्हायरल ऑडिओ क्लिपमध्ये 'मी बीड जिल्ह्याचा बाप, मी असल्यावर काय चिंता' असे विधान केले आहे. संभाषणाचा ऑडिओ क्लिपमुळे आता अनेक प्रश्न उपस्थित होत आहेत. तसेच यामुळे नव्या वादाला तोंडही फुटले आहे. पोलीस अधिकारी या क्लिपची सत्यता तपासत आहेत.

(साम टीव्ही या व्हायरल ऑडिओ क्लिपची पृष्टी करत नाही.)