बीड सरपंच हत्या प्रकरणी वाल्मिक कराड याला मकोका लावण्यात आला आहे. न्यायालयात सुनावणी झाल्यानंतर वाल्मिक कराड याला रुग्णालयात देखील नेण्यात आलं होतं. जवळपास दोन तास त्याची तपासणी केल्यानंतर त्याला बाहेर आणण्यात आलं. त्यावेळी रुग्णालयातून बाहेर पडल्यानंतर पोलिसांची व्हॅन उभी होती. तसंच पोलिस आणि पत्रकरांचा गराडा सुद्धा होता. यावेळी रुग्णालयाबाहेर येताच वाल्मिक कराड याने 'रोहित कुठे आहे?' असा प्रश्न त्याने केला. साधारण दोन ते तीन वेळा वाल्मिक कराड याने रोहित कुठे आहे हा प्रश्न विचारला. इतकंच नाही तर कराडने रोहितला साद घालताच पोलिसांनी रोहितला पुकारलं सुद्धा होतं. त्यामुळे आता हा रोहित कोण? असा प्रश्न उपस्थित होत आहे.