लोकसभा निवडणुकांचे निकाल जाहीर झाले.. या निकालांमध्ये अख्ख्या महाराष्ट्राचं लक्ष सांगली लोकसभेच्या निकालाने वेधलं... कारण एकीकडे सलग दोनवेळा लोकसभा निवडणूक जिंकण्याचा दांडगा अनुभव असणारे भाजपचे संजय पाटील, तर दुसरीकडे राज्यात सहानुभूतीची लाट असणाऱ्या उद्धव ठाकरे यांचे उमेदवार आणि डबल महाराष्ट्र केसरी चंद्रहार पाटील या दोघांची या निवडणुकीत प्रतिष्ठा पणाला लागली होती.. तसा सांगली हा कॉंग्रेसचा बालेकिल्ला! पण, जागावाटपात कॉंग्रेसचा हाच बालेकिल्ला ठाकरे गटाच्या वाट्याला गेला. ठाकरे गटाची कोल्हापूरची हक्काची जागा शाहू महाराजांमुळे कॉंग्रेसच्या वाट्याला गेली. म्हणून ठाकरे गटाने थेट सांगलीवर क्लेम ठोकला.. बसं इथूनच निवडणुकीचं वारं फिरलं.. विशाल पाटील आणि विश्वजित कदमांनी याचा विरोध केला.. सांगलीची जागा कॉंग्रेसला मिळावी म्हणून, त्यांनी पक्षश्रेष्ठींची भेटही घेतली.. सगळे प्रयत्न करुन झाले.. पण, ठाकरेंनी सांगलीच्या जागेवरुन दावा सोडला नाही.. एकिकडे डबल महाराष्ट्र केसरी चंद्रहार पाटील आणि डबल खासदार संजय पाटील निवडणुकीची कसून तयारी करत होते.. तर, दुसरीकडे विशाल पाटील तिकीटासाठी संघर्ष करत होते.