विरारमधून एक किळसवाणा प्रकार समोर आला आहे. एका इमारतीच्या लिफ्टमध्ये डिलिव्हरी बॉयने लघुशंका केल्याची धक्कादायक घटना समोर आली आहे. हा संपूर्ण प्रकार लिफ्टमधील सीसीटीव्ही कॅमेऱ्यात कैद झाला आहे. सीसीटीव्ही फुटेजमधून हे प्रकरण समोर आल्यानंतर डिलिव्हरी बॉयला पोलिसांनी अटक केली आहे.

संबंधित व्हिडिओ इमारतीतील रहिवाशांनी पाहिल्यानंतर नागरिकांनी रोष व्यक्त केला. त्यांनी थेट डिलिव्हरी बॉयला पकडून चोप दिला. नंतर त्याला बोळींज पोलीस ठाण्यात सुपूर्त केला. डिलिव्हरी बॉयच्या असभ्य वर्तनामुळे परिसरात काही काळ तणावाचे वातावरण निर्माण झाले होते. सध्या पोलिसांकडून अधिक तपास सुरू आहे.