विरारच्या डोंगरपाडा परिसरात 40 वर्षे जुनी इमारत कोसळल्याची दुर्घटना घडली आहे. श्री गणेश या को-ऑपरेटिंग हाऊसिंग सोसायटीच्या इमारतीचा स्लॅब कोसळून तिघे गंभीर जखमी झाले असून त्यांना जवळच्या रुग्णालयात उपचारासाठी दाखल करण्यात आले आहे.

मिळालेल्या माहितीनुसार या इमारतीत तब्बल 17 कुटुंब राहत होते. वसई-विरार शहर महानगरपालिकेने या इमारतीला धोकादायक घोषित केले होते. घटनेनंतर पालिकेच्या अग्निशमन दलाने तातडीने घटनास्थळी धाव घेऊन सुरक्षिततेच्या दृष्टीने इमारतीत राहणाऱ्या सर्व नागरिकांना बाहेर काढले.

सुदैवाने मोठी जीवितहानी टळली असून या दुर्घटनेमुळे परिसरात भीतीचे वातावरण निर्माण झाले आहे.