पिंपरी चिंचवड शहरातील पिंपळे निलख परिसरातील एका परदेशी नागरिकाचा व्हिडिओ सध्या सोशल मीडियावर झपाट्याने व्हायरल होत आहे. या व्हिडियोत बेशिस्त पुणेकरांना या परदेशी नागरिकाने चांगलाच धडा शिकवताना दिसत आहे. वॉकिंग स्ट्रीटवरून दुचाकी वाहनाने जाणाऱ्या बेशिस्त पुणेकरांना या परदेशी नागरिकाने रोखून धरलं आहे. मुळात परदेशी नागरिक वॉकिंग स्ट्रीटवर वॉक करत असताना अचानक झालेल्या वाहतूक कोंडीमुळे दुचाकी वाहन चालकांनी अक्षरशः त्यांची दुचाकी वाहन नेहमी प्रमाणे वॉकिंग स्ट्रीटवरून घालण्यास सुरुवात केली. हे दृष्य पाहून परदेशी नागरिकांचा संताप चांगलाच अनावर झाला आणि त्याने वॉकिंग स्ट्रीटवरून जाणाऱ्या बेशिस्त दुचाकी वाहन चालकांना रोखून धरलं आणि त्यांना मूळ रस्त्यावरून जाण्यास भाग पाडलं आहे. परदेशी नागरिकांची ही शिकवण खरंच पुणेकरांसाठी आणि आपल्या राज्यातील बेशिस्त नागरिकांसाठी अत्यंत महत्त्वाची असणार आहे.