लोकलमध्ये महिलांच्या हाणामारीचा व्हिडिओ समोर आला आहे. ही घटना विरार लोकलमधील मिरारोड ते भाईंदर स्थानकांदरम्यान घडलीय. लोकलमधील जागेच्या वादावरून दोन महिलांमध्ये रक्तबंबाळ होईपर्यंत हाणामारी झाली. रेल्वे पोलिसांनी तत्काळ हस्तक्षेप करत दोन्ही महिलांना गाडीतून खाली उतरवले. या घटनेबाबत दोघींपैकी कुणीही तक्रार दाखल न केल्यामुळे गुन्हा नोंदवण्यात आलेला नाहीये.

ही रेल्वेवरील चर्चगेट-विरार लोकलमध्ये ही घटना घडली असून त्याचा व्हिडिओ सोशल मीडियावर चांगलाच व्हायरल होत आहे. जागेच्या वादावरून दोन महिला एकमेकींना भिडल्या. ही मारहाण इतक्या टोकाला गेली की त्यामुळे एका महिलेचे डोके फुटले आणि ती रक्तबंबाळ झाली.