काँग्रेस नेते राहुल गांधी यांची जिभ छाटणाऱ्यास ११ लाखांचे बक्षीस देईल, असे वादग्रस्त विधान शिवसेना शिंदे गटाचे आमदार संजय गायकवाड यांनी केली आहे. त्यामुळे गायकवाड यांच्या या विधानावरुन काँग्रेस नेत्यांनी संताप व्यक्त केला आहे. राज्याचे विरोधी पक्ष नेते विजय वडेट्टीवार यांनी देखील संताप व्यक्त केला आहे. यासंदर्भात त्यांनी एक व्हिडिओ टाकला आहे. यात वडेट्टीवार यांनी 'संजय गायकवाड औकातीबाहेर बोलत आहे, राहुल गांधी यांचे नाव घेण्याची त्याची औकात नाही. तो कुठे आणि त्याचा पक्ष कुठे आहे. येणाऱ्या विधान सभा निवडणुकीत तुमचा माज आणि मस्ती उतरेल', असे म्हणत विजय वडेट्टीवार यांनी घणाघात केला आहे.

शिवसेना आमदार संजय गायकवाड यांनी काँग्रेस नेते राहुल गांधी यांची जीभ छाटणाऱ्याळा ११ लाखांचे बक्षीस देणार असल्याचं जाहीर केलं. त्यामुळे काँगेस कार्यकर्त्यांच्या भावना दुखावल्या असून आमदार संजय गायकवाड यांच्यावर गुन्हा दाखल करावा, यासाठी काँग्रेसकडून बुलढाणा पोलीस स्टेशनमध्ये तक्रार देण्यात आलीय.