काँग्रेसची पहिली यादी 20 तारखेला जाहीर होण्याची शक्यता आहे, असे राज्याचे विरोधी पक्षनेते विजय वडेट्टीवार यांनी माध्यमांशी बोलताना म्हंटलं आहे. महाविकास आघाडीचे 216 जागांचे वाटप पूर्ण झाले असून उर्वरित जागांचे वाटप आज संपेल असंही त्यांनी सांगितलं आहे.

दरम्यान, 216 पैकी 84 जागा या काँग्रेसच्या वाट्याला आल्या. 20 तारखेला संध्याकाळी पहिली यादी येण्याची अपेक्षा आहे आणि उर्वरित जागा आज वाटप झाल्यानंतर कदाचित 20 तारखेला अंतिम यादी देखील येऊ शकेल, असंही वडेट्टीवार यांनी म्हंटलं आहे. समजावादी पक्षासोबत चर्चा झाली आहे. त्यांनी काही जागा सांगितल्या आहेत. त्यांच्यासाठी जागा सोडण्याचा निर्णय आम्ही घेतलेला आहे. आज आमचे जागा वाटप पूर्ण झाले की त्यांच्या त्यांच्या कोट्यातून जागा वाटपाची पूर्ण तयारी आहे. 216 जागावर चर्चा झाली आहे. 66 मतदारसंघावर आमची आज चर्चा सुरू आहे. छोट्या पक्षांकडे दुर्लक्ष केले जात नाही. मुंबईतील जागा वाटपावर आमची चर्चा झाली आहे. त्यांत समाजवादी पक्षालादेखील आम्ही जागा सोडणार आहोत, असंही त्यांनी म्हंटलं आहे. तर समीर वानखेडेंवर बोलताना वडेट्टीवार यांनी ''जात असतील तर धनाड्य सोबत धनवान जात आहेत, या सर्वांचा हिशोब जनता करेल,'' असा टोलाही त्यांनी लगावला आहे.