छत्रपती संभाजीनगर-जालना विधान परिषद निवडणुकीसाठी अब्दुल सत्तार यांचे पुत्र समीर सत्तार आज आपली उमेदवारी मागे घेणार आहेत. आज सकाळी अकरा वाजता ते उमेदवारी अर्ज मागे घेणार असल्याची माहिती समोर आली आहे. भाजपला ही जागा सुटलेली असतानाही समीर सत्तार यांनी अपक्ष उमेदवारी अर्ज दाखल केल्याने महायुतीत बंडखोरीची चर्चा रंगली होती. मात्र मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यासोबत झालेल्या चर्चेनंतर अब्दुल सत्तार यांनी उमेदवारी मागे घेण्याचा निर्णय घेतल्याचे सांगितले जात आहे. यामुळे छत्रपती संभाजीनगर-जालना विधान परिषद मतदारसंघात महायुतीतील अंतर्गत वाद मिटल्याचे मानले जात असून बंडखोरी रोखण्यात महायुतीच्या वरिष्ठ नेतृत्वाला यश आल्याचे दिसत आहे.