महाराष्ट्र दौऱ्यानंतर राज ठाकरे मुंबईत परतले आहे. यावेळी कार्यकर्त्यांनी त्यांच्यावर फुलांचा वर्षाव करून स्वागत करण्यात आलं. राज ठाकरेंचा हा दौरा खूपच चर्चेत राहिला आहे. बीडमध्ये झालेल्या घटनेनंतर त्याचे ठाण्यापर्यंत पडसाद उमटले होते. या दौऱ्याला मोठा विरोध झाला होता. बीडमध्ये उद्धव ठाकरे गटाच्या कार्यकर्त्यांनी राज ठाकरेंना अडवून गोंधळ घातल्यानंतर त्याचे पडसाद कालच्या ठाण्याच्या ठाकरे गटाच्या मेळाव्यात उमटले होते. मनसेच्या कार्यकर्त्यांनी ठाकरे यांच्या ताफ्यावर शेण मारलं होतं. बांगड्या, नारळही फेकले होते. त्यानंतर ठाण्यात तणाव निर्माण झाला होता. दरम्यान आज राज ठाकरे पुण्यात होते. तिथेही मनसेच्या कार्यकर्त्यांनी त्यांचं जोरदार स्वागत केलं.