मनोज जरांगे यांनी मनसेचे अध्यक्ष राज ठाकरे यांच्यावरही निशाणा साधला आहे. मी ठरवलं असतं तर त्यांना धाराशिव बाहेर जावू दिलं नसतं, असं म्हणतं त्यांनी राज ठाकरेंनाही डिवचण्याचा प्रयत्न केला आहे. राज ठाकरेंनी महाराष्ट्राला आरक्षणाची गरज नाही आणि अशी कोणतीही गोष्ट होणार नसल्याचं वक्तव्य केलं होतं. मनोज जरांगे पाटील यांची मराठा आरक्षण शांतता जागृती रॅली आज सोलापुरात आहे. यावेळी त्यांनी उपमुख्यमंत्री देवेंद्र फडणवीस, मंत्री छगन भुजबळ यांच्यासह भाजपचे ज्येष्ठ नेते आणि खासदार नारायण राणे यांच्यावरही निशाणा साधला आहे. ओबीसी- मराठा आरक्षणाच्या मुद्द्यावरून मनसे अध्यक्ष राज ठाकरे यांनी सोलापुरात संताप व्यक्त केला. सगळ्या गोष्टी इतक्या मुबलक प्रमाणात आहेत की या महाराष्ट्रामध्ये आरक्षणाची गरजच नाही. मराठा ओबीसी वाद हे मताचं राजकारण आहे, असं वक्तव्य राज ठाकरेंनी केले होतं.