सर्वसामान्यांची चिंता वाढवणारी बातमी समोर येत आहे. वातावरण बदलाचा परिणाम भाजीपाल्यावर होत असल्याचे दिसून येत आहे. भाजीपाल्यांची आवक घटल्यामुळे दर वाढले असून येत्या काही दिवसात हे दर आणखी वाढण्याची शक्यता वर्तवली जात आहे. भेंडी, गवार, शिमला मिरची आणि तोंडली यांच्या दराने किरकोळ बाजारात शंभरी गाठली आहे. तर, पालेभाज्यांचे भाव देखील वाढले आहेत. मेथीच्या जुडीचा भाव ३५ ते ४० रुपयाने वाढला असून कोथिंबिरीचा भाव देखील शंभरीच्या वर गेलेला आहे.