विशाल शिंदे, साम टिव्ही

आज पासून शेतकऱ्यांची दिवाळी सुरू होणार आहे. आज वसुबारस आहे आणि या दिवसापासून शेतकऱ्याची खऱ्याअर्थाने दिवाळी सुरू होते गाई वासराची पूजा करून शेतकरी दिवाळीला सुरुवात करतो. शेतकऱ्यांच्या घरात सुख समृद्धी आनंद नांदावा व अन्य धान्याची भरभराटी यावी यासाठी शेतकरी आपल्या दारातील गाय वासरू यांना पूजा करतो त्यांना निवेद चारतो व आजपासून दिवाळीला सुरुवात करतो. परभणीच्या मजलापुर येथील शेतकरी बाळासाहेब हिंगे यांनी आपल्या गाई वासरांची पूजा केली आहे त्यांनी सांगितले की यावर्षी जरी पावसामुळे नुकसान झाले असले तरी आम्हाला आमच्या गाईचे पूजाही करावी लागते जरी ह्या दिवाळीला कपडे घेता आले नसले तरी आम्ही कमी प्रमाणात मात्र दिवाळी साजरी करणार आहोत.