वसई येथून एक धक्कादायक घटना समोर आली आहे. वाली पोलीस ठाण्याच्या हद्दीत येणाऱ्या महेश अपार्टमेंटच्या तिसऱ्या आणि चौथ्या मजल्यावरून पोलिसांनी सुमारे 11 कोटी 58 लाख रुपये किंमतीचा अमली पदार्थ (ड्रग्स) जप्त केला आहे.

ही कारवाई पोलिसांनी गुप्त माहितीच्या आधारे केली. मिळालेल्या माहितीनुसार, एक नायजेरियन नागरिक या ठिकाणी ड्रग्सचा अवैध व्यवसाय करत होता. पोलिसांनी आरोपीच्या घराची झाडाझडती घेतली असता, तिथे मोठ्या प्रमाणात ड्रग्स साठवलेले आढळून आले.

दरम्यान, पोलिसांनी आरोपीला अटक केली असून, वाली पोलीस ठाण्यात गुन्हा दाखल करण्यात आला आहे. या कारवाईने वसई परिसरात खळबळ उडाली आहे.