सागर आव्हाड, साम टीव्ही

पुणे: वैष्णवी हगवणे आत्महत्या प्रकरणी हगवणे कुटुंबियांसह निलेश चव्हाणला पोलिसांनी सहआरोपी केले आहे. तर पुणे पोलिसांच्या वारजे पोलिसांनी त्याला वैष्णवीच्या बाळाची हेळसांड केल्याप्रकरणी त्याच्यावर गुन्हा दाखल केला आहे. तसेच निलेश हा वैष्णवीच्या नणंदेचा म्हणजेच करिश्मा हगवणेचा मित्र आहे. गेल्या दहा दिवसांपासून हा पोलिसांना चकमा देत फिरत होता. नेपाळ बॉर्डरवरून त्याच्या पोलिसांनी मुसक्या आवळल्या. आज पिंपरी चिंचवड पोलिसांनी आरोपी निलेश चव्हाणला घेऊन थेट कर्वेनगरमधील त्याच्या राहत्या घरी धाड टाकली आहे. चव्हाणकडे असलेल्या दोन मोबाईल फोनची जप्ती करण्यासाठी ही कारवाई करण्यात आली आहे.

या मोबाईल फोनमध्ये वैष्णवी हगवणे हिची सासू लता हगवणे आणि करिश्मा हगवणे यांचे फोन असल्याची माहिती पोलिसांना मिळाली आहे. यासंदर्भात अधिक तपास सुरू असून, पोलिसांकडून तांत्रिक पुरावे जप्त करण्याची प्रक्रिया सुरु आहे.