उत्तराखंडच्या हरिद्वारमधून मोठी बातमी समोर आली आहे. एसडीआरएफच्या जवानाचा बचावकार्यादरम्यानचा एक थरारक व्हिडीओ समोर आला आहे. गंगा नदीमध्ये वाहून जाणाऱ्या एका भाविकाचे प्राणा जवानांनी वाचवले. या तरुणाला वाचवण्यासाठी जवानांनी स्वत:च्या जीवाची परवान न करता नदीमध्ये उडी मारली आणि त्याला बाहेर काढले. याठिकाणी असणाऱ्या काहींनी हा रेस्क्यूचा थरार आपल्या मोबाईलमध्ये कैद केला. याचा व्हिडीओ सध्या सोशल मीडियावर व्हायरल होत असून या दोन्ही जवानांचे कौतुक केले जात आहे. या तरुणासाठी हे एसडीआरएफचे जवान देवदूत बनून मदतीसाठी आले. २२ वर्षीय कमलेश हरिद्वारच्या कांगडा घाटावर गंगानदीतून वाहून जात होता. त्याला एसडीआरएफच्या जवानांनी सुखरूप बाहेर काढले. कमलेश हरियाणाचा रहिवासी असल्याचे सांगण्यात येत आहे.