Impact of US tariff cut on Indian share market : भारतीय शेअर बाजारासाठी आजचा दिवस ऐतिहासिक ठरला आहे. अनेक दिवसानंतर भारताच्या शेअर मार्केटने मोठी उसळी घेतली आहे. अमेरिकेने भारतीय वस्तूंवरील टॅरिफ (आयात शुल्क) १८ टक्क्यांपर्यंत कमी करण्याचा ऐतिहासिक निर्णय घेतला आहे. डोनाल्ड ट्रम्प यांच्या एका निर्णायामुळे भारतीय शेअर बाजारात अक्षरशः 'तुफान' आले. प्री-मार्केट सत्रातच गुंतवणूकदारांची चांदी झाली आहे.

अमेरिकेचे अध्यक्ष डोनाल्ड ट्रम्प आणि पंतप्रधान नरेंद्र मोदी यांच्यातील यशस्वी चर्चेनंतर टॅरिफ कपात जाहीर करण्यात आली. याचा थेट परिणाम शेअर बाजारावर झाला. प्री-मार्केट सत्रात सेन्सेक्स तब्बल ३,००० अंकांनी वधारला, तर निफ्टीने १४०० अंकांची ऐतिहासिक झेप घेतली. जागतिक पटलावर भारतासाठी हा मोठा व्यापारिक विजय मानला जात आहे. भारतीय कंपन्यांच्या नफ्यात मोठी वाढ होण्याची शक्यता आहे.

गेल्या काही काळापासून अमेरिकेने भारतीय उत्पादनांवर लादलेल्या कडक टॅरिफमुळे आयटी, फार्मा आणि कापड उद्योगावर दबाव होता. मात्र, आता हा टॅरिफ १८ टक्क्यांवर आल्याने भारतीय वस्तू अमेरिकन मार्केटमध्ये स्वस्त होतील, असे निलेश खरे यांनी सांगितले.