Donald Trump statement Iran Latest Marathi News : इराणचे 48 नेते मारले गेल्याचा डोनाल्ड ट्रम्प यांनी दावा केला आहे. आम्ही योग्य तेच करतोय असेही यावेळी डोनाल्ड ट्रम्प यांनी म्हटलंय. इराण अणुबॉम्ब विकसित करत होता, त्यामुळे इराणच्या तळावर हल्ला करणं आवश्यक होतं असंही यावेळी ट्रम्प यांनी म्हटलंय. फॉक्स न्यूजशी बोलताना ट्रम्प यांनी हा दावा केला आहे. (US Iran war news)

इराणमधील वाढत्या तणावाच्या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी केलेल्या या दाव्याने खळबळ उडाली आहे. इराणविरुद्ध सुरू असलेल्या 'ऑपरेशन एपिक फ्युरी' (Operation Epic Fury) अंतर्गत अमेरिका आणि इस्रायलच्या संयुक्त हवाई हल्ल्यांमध्ये इराणचे तब्बल ४८ नेते मारले गेल्याचे ट्रम्प यांनी सांगितले आहे.

या मोहिमेत आम्हाला अनपेक्षित यश मिळत असून एकाच झटक्यात इराणचे ४८ नेते संपले आहेत. हे ऑपरेशन अपेक्षेपेक्षा जास्त वेगाने पुढे जात आहे, असे ट्रम्प म्हणाले. दरम्यान, इराणचे सर्वोच्च नेते आयतोलला अली खामेनी यांचाही या हल्ल्यात मृत्यू झाला असून, यामुळे इराणमध्ये मोठा राजकीय पेच निर्माण झाला आहे.