भारताचा स्वर्ग म्हणून ओळख असणाऱ्या जम्मू काश्मीरच्या पहलगाम येथील दहशतवादी हल्ल्याने भारत हा खवळला असून पाकिस्तानची पायाखालची वाळू सरकली आहे. कोणत्याही क्षणी भारत हा हल्ला करू शकतो. तर दुसरीकडे भारताने जागतिक स्तरावर आपली भूमिका सांगायला सुरुवात केली आहे.

संरक्षण मंत्री राजनाथ सिंह यांनी आज अमेरिकेचे संरक्षण मंत्री पीट हेगसेथ यांच्याशी संवाद साधला. दोघांमध्ये पहलगाम हल्ल्यावर सविस्तर चर्चा झाली.

जाणून घ्या दोन्ही नेत्यांमध्ये काय चर्चा झाली

राजनाथ सिंह आणि अमेरिकेचे संरक्षण मंत्री पीट हेगसेथ यांच्यात झालेल्या चर्चेची माहिती संरक्षण मंत्रालयाच्या कार्यालयाकडून देण्यात आली आहे.पीट हेगसेथ यांनी पहलगाम येथे झालेल्या अमानुष दहशतवादी हल्ल्यात मृत्यू जालेल्या लोकांच्या प्रति संवेदना व्यक्त केल्या. आणि भारत जी काय स्वतः च्या रक्षणासाठी भूमिका घेईल मला त्याचा पाठींबा असेल असा विश्वास अमेरिकेच्या संरक्षण मंत्र्यांनी राजनाथ सिंह यांना दिला.