सोशल मीडियावर आपल्या ड्रेसिंगमुळे चर्चेत असणारी उर्फी जावेद सध्या धर्माबाबत पसरलेल्या अफवांमुळे चर्चेत आहे. उर्फीला इस्लाम धर्मातून बाहेर काढण्यात आलं असून ती हिंदू धर्म स्वीकारून गीता भारद्वाज नाव धारण करणार असल्याच्या बातम्या सोशल मीडियावर व्हायरल झाल्या आहेत. यावर आता उर्फी जावेदने मौन सोडलं आहे. IANS ला दिलेल्या मुलाखतीत तिने या सर्व बातम्या केवळ अफवा असल्याचं म्हटलं आहे. आपण खूप आधीच इस्लाम धर्म सोडला असून कोणत्याही धर्माचं पालन करत नसल्याचं उर्फीने स्पष्ट केलं आहे. तसेच मी नास्तिक आहे असे ही ती म्हणाली.