Ambadas Danve News : EVM हॅक करण्यासंदर्भात अंबादास दानवे यांना अडीच कोटी रुपयांची मागणी झाल्याचा धक्कादायक प्रकार उघडकीस आला आहे. या संदर्भात पोलिसांनी एका अटकही केली आहे. विरोधीपक्ष नेते अंबादास दानवे यांना एका अज्ञाताने फोन करून अडीच कोटी द्या, मी ईव्हीएम हॅक करून देतो. असं सांगितलं. याबाबत अंबादास दानवे यांनी तात्काळ संभाजीनगर पोलिस आयुक्तांशी संपर्क साधला. पोलिसांनी लागलीच सुत्र फिरवल्यावर आरोपीला अटक करण्यात आली. या व्यक्तीशी माझा फारसा संपर्क नसल्याचं अंबादास दानवे यांनी सांगितलं.