केंद्रीय अर्थमंत्री निर्मला सीतारामन यांनी आज संसदेत आठवा केंद्रीय अर्थसंकल्प सादर केला आहे. या अर्थसंकल्पात विकासाला गती देणे, सुरक्षित समावेशक वाढ, खाजगी क्षेत्रातील गुंतवणुकीला प्रोत्साहन देणे, घरगुती खर्चात वाढ, भारतातील उदयोन्मुख मध्यमवर्गाची खर्च करण्याची क्षमता वाढवणे या गोष्टींवर फोकस करण्यात आलेला आहे.

दरम्यान, अर्थसंकल्पात करप्राणलीवर सर्वात मोठी घोषणा निर्मला सीतारामन यांनी केली आहे. १२ लाखांपर्यंतचे वार्षिक उत्पन्न हे करमुक्त असणार आहे, अशी घोषणा केल्याने नोकरदारवर्गाला मोठा दिलासा मिळणार असल्याचं बोललं जात आहे. अर्थमंत्र्यांनी नवीन करप्रणाली देखील जाहीर केली आहे. दरम्यान, एकीकडे सरकार १२ लाखांपर्यंचे उत्पन्न करमुक्त असल्याचे म्हणत आहे तर दुसरीकडे कर देखील लावत असल्याचे दिसत आहे. त्यामुळे आपण हे १२ लाखांपर्यंतचं उत्पन्न करमुक्त कसं याबद्दल तज्ज्ञांचं विश्लेषण केलेलं आहे. किती उत्पन्नावर किती कर लागणार याबद्दल जाणून घेऊया...