उल्हासनगरमध्ये कथित 'लव्ह जिहाद'चा धक्कादायक प्रकार समोर आलाय. तरुणाने नाव बदलून एका हिंदू तरुणीशी विवाह केल्याचा आरोप करण्यात आलाय. आरोपीने स्वतःची खोटी ओळख सांगत तरुणीची फसवणूक केली. त्यानंतर तिच्यावर धार्मिक प्रथा पाळण्यासाठी दबाव टाकल्याचा आरोप तक्रारीत नमूद आहे.

पीडित तरुणीच्या आरोपानुसार, विवाहानंतर तिला बुरखा आणि हिजाब घालण्यास भाग पाडण्यात आलं. त्यानंतर गोमांस खाण्याची सक्ती करण्यात आल्याचा गंभीर आरोप तक्रारीत करण्यात आलाय. आरोपीने तिला बिहार येथे नेऊन मानसिक आणि शारीरिक छळ केल्याचेही तक्रारीत म्हटलंय.

या प्रकरणी उल्हासनगर पोलिसांनी पतीसह त्याच्या कुटुंबीयांविरोधात विविध कलमान्वये गुन्हा दाखल केलाय. पोलिसांनी तत्काळ कारवाई करत दोन जणांना अटक केली आहे. तसेच पोलिसांकडून या प्रकरणाचा अधिक तपास सुरू आहे.