घाटकोपरमधील मनसे कार्यकर्त्यांनी आज उद्धव ठाकरे यांच्या शिवसेनेत प्रवेश करत शिवबंधन बांधलं. उद्धव ठाकरे यांच्या उपस्थितीत मातोश्रीवर हा पक्षप्रवेश झाला. त्यामूळे आगामी मुंबई महानगरपालिका निवडणुकीच्या अनुषंगाने उद्धव ठाकरे यांनी आता कंबर कसली असल्याचं दिसत आहे.

विधानसभा निवडणुकीत झालेल्या पराभवानंतर आता आगामी मनपा निवडणुकीसाठी शिवसेना उद्धव ठाकरे गट अॅक्शन मोडवर आलेला आहे. घाटकोपरमधील महाराष्ट्र नवनिर्माण सेनेच्या कार्यकर्त्यांनी मातोश्रीवर आज उबाठा गटात प्रवेश केला. यावेळी बोलताना उद्धव ठाकरे म्हणाले की, पराभव जिव्हारी लागतो तोच इतिहास घडवत असतो. आपल्याला उद्याचा इतिहास घडवायचा आहे. हक्काची मुंबई डोळ्यादेखत ओरबाडली जात आहे, असं म्हणत ठाकरे यांनी ईव्हीएमवर देखील निशाणा साधला.