ज्याप्रकारे मी बाकी उमेदवारांना देतो आहे त्याचप्रमाणे मी या शिंदेला दिल होत खूप काही दिल होत. याला होम मिनिस्टर केला होता पण याने काय केल, पोलीस प्रशासनाचा वापर केला आणि मिध्यांना पळून जायला मदत केली, असा टोला उद्धव ठाकरे यांनी मुख्यमंत्री एकनाथ शिंदे यांना लगावला आहे. आज पाटणमध्ये हर्षद कदम यांच्या प्रचारादरम्यान त्यांनी विरोधकांवर जोरदार हल्ला चढवला. 'जो करेल मला मंत्री त्याचा मी वाजंत्री', अशी टीका त्यांनी विरोधकांवर केली.

पुढे बोलताना ठाकरे म्हणाले की, आपली सत्ता येउ द्या मग मी ही सगळी प्रकरण मार्गी लावतो. हे गुजरातच्या समोर झुकणारे ज्यावेळेस तुमच्या समोर येतील त्यावेळेस त्यांना विचारा माझ्या मुलाला अजून नोकरी का नाही आहे? आणि यावर ते काय उत्तर देतात ते पाहा. या लोकांनी अदानीचा घशात घातलेली मुंबई निकालानंतर मी माझ्या महाराष्ट्राला परत देईन असं आश्वासन उद्धव ठाकरेंनी दिलं. तर मोदींनी उद्धव ठाकरेंना एक आव्हान दिलं होत ज्यात ते म्हणाले होते, शहजादे के मुहसे बाळासाहेब के लिये दो शब्द बुलवाओ या त्यांच्या वक्तव्यावर उद्धव ठाकरे प्रत्युत्तर देत म्हणाले की, भाजपची नीती आहे तोडा फोडा राज्य करा. मोदींनी आपल सरकार पाडल कारण त्यांना महाराष्ट्र लुटायचा होता आणि तो मी लुटू देत नव्हतो म्हणून यांनी पहिला घाव हा शिवसेनेवर घातला जीला मराठी माणसाच्या आणि या महाराष्ट्राच्या न्यायासाठी हिंदुहृदयसम्रटांनी तयार केलं. शहजादा म्हणजे ते राहुल गांधींच्या मुखातून बाळासाहेबांसाठी दोन शब्द ऐकु इच्छितात. काल शिरळीमध्ये प्रियंका गाधी आल्या होत्या त्या म्हणाल्या मी राहुलची बहिण आहे आणि त्या बाळासाहेबांबद्दल चांगलं बोलल्या. म्हणजे भाजपचे दात घातले घशात, असा हल्लाबोल उद्धव ठाकरेंनी केला आहे.

Edited By Rakhi Rajput