मराठवाड्यातील अतिवृष्टीग्रस्त भागाची पाहणी करण्यासाठी शिवसेना पक्षप्रमुख उद्धव ठाकरे आज दौऱ्यावर जाणार आहेत. मराठवाड्यात पावसाने धुमाकुळ घातला असून शेतीचे मोठे नुकसान झाले आहे. लातूर, बीड, धाराशिव, जालना आणि संभाजीनगर या पाच जिल्ह्यातील शेतकऱ्यांच्या नुकसानीची ते प्रत्यक्ष पाहणी करणार आहेत. अतिवृष्टीमुळे मराठवाड्यात मोठ्या प्रमाणावर पिके उध्वस्त झाली असून शेतकऱ्यांचं अतोनात नुकसान झाले आहे. या पार्श्वभूमीवर उद्धव ठाकरे शेतकऱ्यांच्या बांधावर जाऊन त्यांच्याशी संवाद साधणार आहेत. शेतकऱ्यांच्या अडचणी आणि मागण्या जाणून घेऊन त्यांना दिलासा देण्याचा प्रयत्न ठाकरे करणार असल्याची माहिती समोर आली आहे.