Uddhav Thackeray News: उद्धव ठाकरे सध्या दिल्ली दौऱ्यावर आहेत. दिल्लीत बऱ्याच राजकीय घटना घडतायत. यावेळी उद्धव ठाकरेंनी महत्त्वाच्या गोष्टींवर भाष्य केलंय. कालपासून मी दिल्लीत आलो आहे. लोकसभा निवडणुकीनंतर मी दिल्लीत आलो नव्हतो. माझ्या खासदारांना दिल्लीत मला भेटायचं होत म्हणून मी आलो. इंडिया आघाडीची अधिकृत बैठक झाली नाही त्यामुळं जमेल तसं मी त्या नेत्यांना भेटणार आहे असं ठाकरे यावेळी म्हणालेत. पुढच्या काळात विधानसभा निवडणुका आहेत. त्यात एकत्र लढावं अशी आमची इच्छा आहे असंही ते म्हणालेत. शेख हसीना यांची भेट मी अजून ठरवली नाही. जगभरात अनेक देशात सर्वसामान्य जनता मजबूत असते. तिचा अंत कसा होतो हे काल आपण पाहिलं. जर बांगलादेशमध्ये हिंदूवर अत्याचार होत असेल तर ते थांबले पाहिजेत असं यावेळी ठाकरे म्हणालेत.